ﻨﯾﺸﺘﻤﺄﻦ

سەرمای گەلی شارانم دی
بەڵام پەنجەم لە گۆ نەچوون
چونکە سەرمای هەموو جێیەک تیشکێ ڕۆژی نیشتیمانی منی تیایە
گەرمای گەلێ شارانم دی
بەڵام گیانم وەرز نەبوو
چونکە گەر مای هەموو شارێ سروەیەکی نیشتیمانی منی تیایە
چاوی کیژی ئه‌وروپایی
گه‌ر شینیش بێ-خۆشم ده‌وێ.
گه‌ر سه‌وزیش بێ-خۆشم ده‌وێ.
وا تێده‌گه‌م:شینترین چاو,سه‌وزترین چاو
له‌م دنیایه توزێک ره‌شی
چاوی کچی نیشتمانی منی تیایه

نیشتیمانم تۆ وەک تانەی لەسەر چاووم
تۆ وەک تەمی، لە گشت لاوە دەورەت داوم
تۆ ئاوێنەی، لە ناو تۆدا هەمو دنیا بە دی دەکەم
تۆ تەیمانی، بە هۆی تۆوە هیچ نابینم
نە کەل دەبینم، نە زەوی
نە خوا دەبینم، نە ئاسمان
،جا نازانم نە جیهان وەک تۆ بچوکە
نە تۆ گەورەی بەقەت جیهان
نیشتیمانەکەم کوردستان
عەبدوڵا پەشێو